Mesatarisht 200 njerëz largohen nga Rafah çdo orë pas urdhrit të evakuimit të Izraelit, sipas vlerësimeve të agjencisë së OKB-së për ndihmë për Palestinezët (UNRWA).
“Zhvendosja po vazhdon dhe njerëzit po largohen drejt Khan Younis dhe zonave të ndërmjetme,” tha drejtoresha e komunikimit e UNRWA, Juliette Touma.
“Nuk është e mundur të jepet një numër i përgjithshëm i njerëzve të zhvendosur për momentin duke pasur parasysh se sa fluide është situata,” shtoi ajo.
Një zyrtar i lartë i UNRWA i tha transmetuesit amerikan CNN se rreth 50,000 njerëz ishin larguar nga Rafah që nga e hëna.
Materniteti kryesor në Rafah ka ndaluar pranimin e pacientëve, ka thënë për Reuters Fondi i Kombeve të Bashkuara për Popullsinë.
Sekretari i Mbrojtjes i SHBA, Lloyd Austin, the se vendimi i Biden për të ndaluar dërgimin e municioneve me ngarkesë të lartë në Izrael është marrë në kontekstin e planit të Izraelit për të kryer një ofensivë në Rafah.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
