Trembëdhjetë anije me 547 migrantë kanë arritur nga brigjet turke pasditen e djeshme, në ishullin lindor të Egjeut, Lesbos. Ky është numri më i madh i emigrantëve të mbërritur në një ditë të vetme që nga kriza e migracionit në vitet 2015-2016, raporton media greke “Ekathimerini”.
Nga numri i përgjithshëm i njerëzve që zbarkuan në plazhin verior të Skala Sykamias, 177 ishin burra, 124 ishin gra dhe 246 ishin fëmijë. Shumë prej tyre janë familje. Nga këto, 193 u transferuan në qendrën e pritjes dhe të identifikimit të Moria, kurse të tjerët kanë mbetur në kampin e UNHCR-së në Sykamia, me perspektivën për t'u transferuar edhe ata në kampin Moria. Ndërkohë dy anije greke të Rojes Bregdetare janë në gatishmëri në zonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
