Ekipet e shpëtimit po gërmojnë mes rrënojave në garë me kohën pasi pjesë të një tuneli rrugor u shembën duke bllokuar brenda si pasojë e një rrëshqitje dheu 40 punëtorë, në Indinë veriore.
Të gjithë punëtorët e ndërtimit janë të sigurt, tha oficeri i policisë Prashant Kumar, duke shtuar se ata janë furnizuar me oksigjen dhe ujë, teksa ekipet e shpëtimit kanë arritur të vendosur kontakte me individët e bllokuar.
Shembja ndodhi të dielën në Uttarakhand, një shtet malor i mbushur me tempuj hindu i cili tërheq shumë pelegrinë dhe turistë.
Ndërtime masive të ndërtesave dhe rrugëve janë bërë vitet e fundit në Uttarakhand. Punëtorët e bllokuar po ndërtonin një pjesë të rrugës Chardham, një projekt kryesor i qeverisë federale që lidh vende të ndryshme pelegrinazhi hindu.
Numri i punëtorëve të bllokuar u konfirmua të hënën nga Rajesh Pawar, menaxheri i projektit në Kompaninë e Ndërtimit Navyug, e cila po mbikëqyr ndërtimin e tunelit.
Përpjekjet e shpëtimit filluan të dielën, ku autoritetet po pompojnë oksigjen përmes një tubi në pjesën e shembur të tunelit për të ndihmuar punëtorët të marrin frymë.
“Ekipi ka përparuar 15 metra në tunel, por ka edhe 35 metra të tjerë për të arritur te punëtorët”, tha Kumar, duke shtuar se më shumë se 150 shpëtimtarë kishin përdorur pajisje shpimi dhe ekskavatorë për të pastruar mbeturinat gjatë natës.
Pjesa e shembur e tunelit 4.5 kilometra është rreth 200 metra nga hyrja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
