Ministrja e Infrastrukturës dhe Energjisë Belinda Balluku thotë se duhet evituar qarkullimi me automjete për shkak të motit të keq. Sipas Ballukut ka patur disa aksidente së fundmi për shkak të erës së fortë, ndërsa shton se stuhia do te zgjasë për më pak se 24 orë.
”Gjatë inspektimit që kam bërë nga Miloti në Shkodër, kam dashur të komunikoj me ju. E pamundur në terren të hapur me erë. Vendosa që ta bëj nga kjo borëpastruese për të treguar dhe punën.
Në të gjitha akset problematike kemi firmat si për hapjen e rrugëve edhe për hedhjen e kripës. Duhet pasur parasysh që në këto kushte, i bëjm thirrje gjithë drejtuesve mos qarkullojnë në akset kombëtare dhe me ato që lidhin qytetet e fshatrat. Ky është mot ekstrem. Evitimi i qarkullimit rrugor është gjëja më e mirë për t’u bërë dhe për të mbrojtur edhe jetën e gjithë drejtuesve dhe pasagjerëve. Kemi pasur disa aksidente prej kësaj ere kaq të fortë. Nëse keni nevojë apo emergjencë mund të përdorni rrugët. Kjo stuhi do të vazhdojë për më pak se 24 orë.”- tha Balluku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
