‘Dy foltore’ në PD/ Alimehmeti: Ndryshon nga ajo e Berishës kundër Bashës, kjo është një përpjekje për bashkim

Ish-deputeti Ervin Salianji ka kërkuar ndryshim, ripërtëritje dhe rizgjim të Partisë Demokratike përmes një lëvizjeje të re brenda së djathtës.

Drejtuesi i Departamentit të Shëndetësisë në PD, Ilir Alimehmeti, i ftuar në emisionin “Të Paekspozuarit” si mbështetës i kësaj lëvizjeje, u shpreh se foltorja aktuale ndryshon plotësisht nga ajo e Sali Berishës që u zhvillua kundër Lulzim Bashës.

Ndryshon Foltorja e Berishës kundër Bashës, nga diskutimi që po bëhet sot. Patjetër ia mori Lulzim Bashës. Partia është e doktor Berishës. Është kryetar, unë e kam votuar dy herë. 

Nuk është lëvizje anti-kryetar ose për kryesi, por një luftë dhe përpjekje për bashkim. Ka energji të ndryshme brenda PD-së, të cilat përfaqësohen nga njerëz të ndryshme. 

Vetëm një prej forcave të mëdha është e përfaqësuar gjerësisht. Këtu lind nevoja për të përfaqësuar më mirë rrymat që ndodhen në PD. 

Ne duam të bashkojmë forcën e PD-së bashkë, në një PD sa më të plotë, që të jetë lider i opozitës, në luftën për pushtet nesër. Nuk është foltore kundër kryetarit dhe për të marrë vendin e kryetarit.

Ka nevojë për ndryshim të disa figura. Këto fliten së pari në struktura drejtuese, por që ka një nevojë, ka një nevojë. Nuk është si Foltorja e doktor Berishës. Është një format rienergjizues, kërkojnë të përfaqësohen.