Kandidati në listat e PD-së, Lefter Maliqi ishte sot në Lapardha me Ramën, ku hapi fushatën e PS-së atje. Maliqi shprehu bindjen se PS-ja do të marrë 5 deputëtë në Berat.
Gjatë fjalës së tij, Maliqi vlerësoi Ramën si kryeministër që do qëndrojë në postin e tij deri në vitin 2021.
“Ne sot jemi më të fortë se kurrë. Dua t’i siguroj kryeministrit Edi Rama një fitore të thellë sepse këtu kemi një mesazh, mesazhin e bashkimit të madh.
Të majtë e të djathtë bashkë për të votuar numrin 2, për një fitore të thellë në qarkun e Beratit. Blendi Klosi është me fat se është i pari. Por me fat është edhe Fadil Nasufi i katërti.
Ju e dini që unë doktorët i kam qejf, dhe po ju them i pesti në listën e PS-së është mjeku i Beratit Konomi. Të punojmë fort për të marrë 5 mandate.
Të votojmë së bashku numrin dy, të vazhdojmë së bashku për fitore dhe investime. I nderuar zoti kryeministër.
Ju keni thënë që ne do marrim 71 mandate, por po ju them që 5 mandate i ke në Berat, 71 nga Fieri e tutje. Mos u gënjeni as nga UFO-t që po premtojnë shkolla, as nga të majtët e të djathtët”, tha ish-kandidati i PD-së.
Pas tij e mori fjalën kryeministri Rama. “Kjo është e paprecedentë “, tha Rama. “Maliqi iu bashkua PS-së jo për interesat e tij”, vijoi ai.
“I jam mirënjohës Lefterit që me kurajë qytetare dhe me vetëdije politike na u bashkua në këtë betejë e cila nuk është një betejë mes partish por një betejë mes të ardhmes dhe të shkuarës”, deklaroi Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
