Disa prej qytetarëve që morën pjesë në protestën e 21-të kundër projektit të Zvërnecit kanë qëndruar gjatë gjithë natës përpara godinës së Kryeministrisë në Tiranë, duke vijuar në mënyrë simbolike kundërshtimin e tyre edhe pas përfundimit të tubimit.
Mëngjesin e sotëm, efektivët e Policisë së Shtetit u kanë bërë thirrje protestuesve të largohen nga zona përpara institucionit. Megjithatë, disa prej tyre kanë vijuar të qëndrojnë aty, duke deklaruar se do të vazhdojnë rezistencën e tyre kundër projektit.
Mbrëmjen e së shtunës, mijëra qytetarë nga zona të ndryshme të vendit u mblodhën në kryeqytet në protestën e radhës, e cila shënoi tubimin e 21-të kundër projektit të Zvërnecit.
Protestës iu bashkuan edhe shumë emigrantë të ardhur nga vende të ndryshme, të cilët shprehën mbështetjen e tyre për kauzën e qytetarëve.
Tubimi nisi në orën 18:00 dhe vijoi për disa orë në rrugët e Tiranës, ndërsa një pjesë e protestuesve vendosën të mos largoheshin, duke e kaluar natën përpara Kryeministrisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
