Luneda Sufali do të jetë drejtoresha e re e Shërbimit Social Shtetëror që nga dita e sotme. Prezantimi i saj u bë nga ministrja e Shëndetësisë, Ogerta Manastirliu, e cila duke i uruar znj. Sufali suksese në detyrën e re, theksoi mbështetjen për SHSSH, në kapercimin e sfidave me të cilat ky institucion përballet.
Sufali njihet si një nga drejtoreshat e reja që Rama emëroi në krye të institucioneve të rëndësishme pas ardhjes në pushtet në vitin 2013. Ajo ka mbajtur postin e drejtoreshës së Lojërave të Fatit pikërisht në kohën kur ndaj këtyre të fundit nisi një aksion për futjen në rrugën e ligjshmërisë.
Sufali mbahet mend edhe për një incident në mbledhjen e Komisionit të Ligjeve dy vjet më parë, kur debatoi me kreun e atëhershëm, Fatmir Xhafaj. Debati dhe replika në limitet e etikës patën shoqëruar mbledhjen e komisionit më të rëndësishëm të institucionit të Kuvendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
