Analisti Ben Andoni duke folur në edicionin e lajmeve në MCN TV mbi përplasjen deklarative Rama-Kurti mbi procesin në Hagë, mendon që kjo përballje ka pasoja.
Andoni vë në dukje që në Tiranë dhe Kosovë relativizohen disa momente kryesore, si pranimin i Gjykatës Speciale apo episode si fjalimi i Ramës në Këshillin e Europës.
Analisti thotë se është sy e veshë nga protesta e nesërme nëse do të ketë përfaqësim nga PDK, parti që sipas tij është fshehur nga protagonizmi gjatë protestës në Hagë.
“Besoj që ka pasoja. Një njeri që është mbështetës o i z.Rama o i z.Kurti do thotë që të dy kanë të drejtë. E dini çfarë çalon, që në vendin tonë dhe Kosovë gjithçka relativizohet. Për shkak të mbështetjes së huaj z.Rama i është dashur që të jetë politikisht korrekt me politikat europiane, që ta mbështesë gjykatën që gjeti bazë nga politika e Kosovës.
Nga ana tjetër në Kosovë, është e vërtetë ajo që thotë z.Kurti, për ardhjen e z.Rama, por z.Kurti shmang një moment që ka qenë shumë i rëndësishëm, dhe që e kam kritikuar, protagonizmin e jashtëzakonshëm të z.Rama në Këshillin e Europës, por sot ajo merr vlerë shumë të madhe, sepse të kesh në dispozicion një kohë në Këshillin e Europës s’është e lehtë për vende si ne.
Z.Rama ka folur mbi një orë për Kosovën dhe raportin e Dick Marty-t, gjë që Kosova për shkak të mungesës së elementët bazikë, e ka të pamundur artikulimin në forumet e larta. Kryeministri është i kufizuar. Relativizimi që bëjnë në Tiranë dhe Kosovë të momenteve kryesore, si e pranuan gjykatën, dhe si Rama mbështeti pjesën e Kosovës në Këshillin e Europës….T’i japim Cezarit atë që është e Cezarit, qeveria e Tiranës duhet të dijë diçka që qeveria e Kosovës ka ndarë 35 milionë euro në ndihmë të avokatëve, të mbrojtjes së tyre.
Jam gjithë sy e vesh nesër të shikoj përfaqësimin e PDK-së. Në protestën e parë në Hagë, ata ishin aty por s’ishin protagonistë. Nëse këtë do ta bëjnë edhe në Tiranë, duket që problemi i UÇK-së s’është vetëm i VV-së, por edhe i partisë së tyre. Rama i ruhet shumë përballjes së të huajve”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
