Kryetari i Bashkisë së Durrësit, Vangjush Dako, dhe ministrja e Kulturës, Mirela Kumbaro, raportuan sot në Komisionin e Medias në lidhje me projektin e shumë debatuar Veliera në qytetin bregdetar.
Kryebashkiaku Dako u shpreh se në zonën arkeologjike gërmimet po bëhen në mënyrë transparente.
“Ne e konsiderojmë me fat që në ato gërmime kanë dalë pasuri të trashëgimisë kulturore të Durrësit. Jemi në dizpozicion të plotë për të bërë transparentë, i kemi bërë thirrje qytetarëve dhe medias të vijnë të ndjekim gërmimet që bëhen në atë kantier, i cili është i hapur”, tha ai.
Ndërsa ministrja kumbaro tha se projekti Veliera në qytetin e Durrësi është prezantuar në shtator të 2016 dhe se rregullorja e përcakton qartë se ku lejohet ndërhyrja.
“Projekti është prezantuar në shtator 2016 dhe rregullorja e përcakton qartë se ku lejohet ndërhryrja. Në zonën A lejohet rikosntruksioni i rrugëve dhe kanalizimeve. Ndërsa punimet mbikqyren nga institucione të specializuara”, tha ajo.
Projekti Veliera është kundërshtuar nga shoqëria civile me arsyetimin se po shkatërrohet zona arkeologjike e Durrësit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
