Paul McCartney dhe vëllai i tij Mike po hapin dyert e shtëpisë së tyre të fëmijërisë për talentet e rinj në muzikë, në mënyrë që ata të shkruajnë, performojnë dhe të frymëzohen për krijimet e tyre.
“20 Forthlin Road” është vendi “magjik” në Liverpul ku Paul dhe John Lennon shkruan hite të paharrueshme si “I Saw Her Standing There” dhe “When I'm 64”.
Artistët e përzgjedhur nga McCartney dhe partnerët lokalë do të kenë mundësinë të shkruajnë muzikë dhe të luajnë në të njëjtin vend si “The Beatles”.
Duke folur për Sky News, vëllai i vogël i Paul, Mike McCartney tha: “Kjo shtëpi për mua është një shtëpi shprese. Dhe shpresoj se do të jetë e tillë edhe për të rinjtë që hyjnë në këto dyer”.
“Aty dolën dy nga kantautorët më të mëdhenj në botë, McCartney dhe Lennon. Kjo shtëpi është kaq unike”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
