Ka përfunduar pas 5 orësh dëshmia që Albert Veliu që ka dhënë në Prokurorinë e Krimeve të Rënda, në lidhje me pretendimet që ai ka ngritur kundër vëllait të ministrit të Brendshëm, Xhafaj.
I njohur si dëshmitari X në audiopërgjimin me vëllain e ministrit të Brendshëm, Fatmir Xhafaj, prokurorët e kanë pyetur në detaje Albert Veliun si dhe i kanë marrë disa kampione të zërit, për të bërë krahasimin me përgjimin audio të publikuar disa ditë më parë po nga opozita.
Fillimisht ai është parë në selinë e Partisë Demokratike, ku është takuar me sekretarin Ivi Kaso dhe deputetin Ervin Salianji, më pas i shoqëruar nga avokatët Artan Murrizi dhe Ivi Kaso i është drejtuar organit të akuzës.
Veliu pretendon se ai ka folur personalisht me Agron Xhafajn në celular, por në intervistën e dhënë ditën e djeshme ka thënë se nuk e ka kryer ai përgjimin.
Albert Veliu pranoi se kishte folur me Agron Xhafën për të trafikuar hashash, në videon e shfaqur ditën e djeshme nga PD.
Pas publikimit te intervistës së tij nga selia e PD, ai u largua edhe nga banesa e tij në Vlorë, pasi nuk ndihej i sigurt.
Dy ditë më parë, Agron Xhafaj kallëzoi penalisht deputetët e PD-së për shpifje e mashtrim, pasi sipas tij përgjimi audio është një manipulim i bërë nga PD.
Ashtu si edhe Albert Veliu këtë të premte, Agron Xhafaj përpara se të largohej drejt Italisë ka dorëzuar po ashtu disa kampione të zërit të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
