Andrea Giambruno, gazetari që prej 7 vitesh është partneri i kryeministres së ardhshme të Italisë Giorgia Meloni, ka dhënë një intervistë ku u shpreh se nuk është i majtë, sikundër ka thënë liderja e “Fratelli d’Italia”.
I pyetur nëse duhet të cilësohet: “First Husband”, “First Gentleman” apo “First Partner?”, ai u përgjigj:
Nuk e di. Por një etiketim të ngjashëm me First Lady-n për burrat nuk ka. Të presim një neologjizëm të re”.
Giambruno tha se ishte thjesht një batutë ajo e Giorgia-s që e cilësoi të majtë.
Ishte një batutë: Unë nuk jam i majtë, thjesht kemi mendime të ndryshme për disa çështje etike, siç është vetëvrasja e asistuar. Mendoj se shteti duhet të reflektojë nëse është e drejtë që njeriu të vdesë në shtëpinë e tij, me familjarët apo të detyrohet të shkojë të vdesë në Zvicër. Ne të dy diskutojmë për çështje të ndjeshme që e kuptoj politika duhet të përballet me një përgjegjësi të ndryshme nga unë, që kam vetëm mendimin tim personal”.
I pytur si janë diskutimet mbi të drejtat e LGBTQ +, legalizimin e drogës dhe abortin, ai thotë:
Nuk ka diskutim për abortin: nuk do të gjesh një rresht në të cilin Giorgia konteston 194-ën. Për pjesën tjetër nuk ka debat, flasim dhe secili justifikon qëndrimin e tij”.
Ligji 194 e lejon ndërprerjen vullnetare të shtatzënisë brenda 90 ditëve të para, për arsye shëndetësore, ekonomike, familjare dhe sociale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
