Parlamenti Europian ka votuar në favor të veprimit urgjent ligjor mbi ligjin e ri të Hungarisë që ndalon dhënien e informacionit për homoseksualitetin moshave nën 18-vjeç.
Legjislacioni i ri shkelte "vlerat, parimet dhe ligjin e BE", thanë eurodeputetët.
Parlamenti shtoi se ligji ishte "një shembull tjetër i qëllimshëm dhe i paramenduar i çmontimit gradual të të drejtave themelore në Hungari".
Kryeministri Viktor Orban këmbënguli se politika e shkollës është një çështje e Hungarisë, jo e "burokratëve të Brukselit".
Në një rezolutë të miratuar të enjten me 459 vota pro, 147 kundër dhe 58 abstenim, eurodeputetët thanë se zhvillimet e fundit në Hungari censurojnë politikën.
Parlamenti i kërkoi Komisionit Evropian që të shkurtojë buxhetin për vendet anëtare që shkelin sundimin e ligjit.
Ata gjithashtu nxitën veprime ligjore kundër qeverisë nacionaliste të krahut të djathtë të Hungarisë në Gjykatën Evropiane të Drejtësisë.
Kritikët thonë se ligji i ri i Hungarisë, i cili hyri në fuqi të enjten, barazon homoseksualitetin me pedofilinë.
"Ky legjislacion përdor mbrojtjen e fëmijëve si një justifikim për të diskriminuar njerëzit për shkak të orientimit të tyre seksual," tha të mërkurën Presidentja e Komisionit të BE Ursula von der Leyen, duke e quajtur atë "një turp".
"Çfarëdo që të bëjnë, ne nuk do të lejojmë aktivistë [LGBT] të hyjnë në kopshtet dhe shkollat e fëmijëve tanë," u përgjigj kryeministri Orban.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
