Gjykata e Posaçme e Apelit për Korrupsionin dhe Krimin e Organizuar ka vendosur lirimin nga paraburgimi të Mariglen Qatos, duke i zëvendësuar masën e sigurisë nga “arrest në burg” në “arrest në shtëpi”.
Vendimi u shpall këtë të hënë, më 30 qershor 2026, nga gjyqtarja Iliriana Olldashi, e cila pranoi ankimin e Qatos dhe ndryshoi vendimin e mëparshëm të Gjykatës së Posaçme të Shkallës së Parë.
Sipas vendimit, Mariglen Qato do të qëndrojë në masën e sigurisë “arrest në shtëpi”, me detyrimin për të mos u larguar nga banesa e tij.
Gjykata urdhëroi gjithashtu lirimin e tij nga ambientet e paraburgimit, nëse nuk mbahet për ndonjë shkak tjetër, si dhe ngarkoi Prokurorinë e Posaçme për ekzekutimin e vendimit.
Me këtë vendim, nuk mbetet më asnjë i pandehur në paraburgim në kuadër të dosjes së njohur si “5D”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
