Sipas revistës "Forbes" Rihanna është këngëtarja më e pasur në botë duke ia kaluar në klasifikim emrave të njohur si: Madonna, Celine Dion dhe Beyoncé. Jo keq, duke marrë parasysh këto tre yje shesin miliona rekorde dhe bëjnë turne botërore: Madonna (570 milionë dollarë), Celine Dion (450) dhe Beyoncé (400).
Megjithatë ndryshe nga koleget, Rihanna pasurinë e saj nuk e ka vënë vetëm me muzikë. Pjesa më e madhe e fitimeve të saj nuk vijnë nga muzika: pasuria e saj është fryt i suksesit të linjës kozmetike “ Fenty Beauty”.
Këngëtarja, e lindur në Barbados më 20 shkurt 1988, arriti sukses duke iu imponuar tregut muzikor si një fenomen Pop dhe R'n'B, ndër të tjera edhe me ndihmën e bashkëshortit të Beyonce, Jay-Z. Veç kësaj ajo ka treguar se ka edhe dhunti sipërmarrëse. Pas bashkëpunimeve të para me Puma, krijimit të linjës "Fenty Puma by Rihanna", u krijua edhe linja "Savage x Fenty".
Kjo prirje e bëri atë një ikonë origjinale që falë aktivitetit të saj grumbulloi 600 milionë dollarë. Linja e bukurisë “Fenty Beauty” që kur u paraqit në shtator 2017 u bë sukses botëror, falë hedhjes në treg të 40 hijeve të kremit pudër për çdo ngjyrë, të cilave u janë shtuar edhe 50 tonalitete korrektori.
“Fenty Beauty” u bë marka e parë e bukurisë që u krijua për të trajtuar të gjitha gratë jo të bardha, të cilat kishin vështirësi në gjetjen e produkteve të përshtatshme.
Me krijimin e shtëpisë së modës në partneritet me "LVMH", kolosin e modës franceze, suksesi i Rihannës (dhe trashëgimia) është e paracaktuar të rritet edhe më shumë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
