“Vol-vo4”, lirohen dy ish-deputetët socialistë Arben Ndoka dhe Arben Çuko

Lirohen nga burgu dy ish-deputetët e socialistë, Arben Ndoka dhe Arben Çuko, të arrestuar në kuadër të operacionit ‘Vol-Vo4’.

Vendimi është dhënë nga Gjykata e Apelit për Krimet e Rënda, e cila caktoi masën e sigurisë ‘arrest shtëpie’ për dy ish-deputetët.

Si Arben Ndoka, ashtu edhe Arben Çuko patën kërkuar veçimin e dosjes së tyre nga banda e Shijakut, kërkesë që u refuzua nga trupa gjykuese.

Arben Ndoka u arrestua pasi rezultonte i përfshirë në një skemë tjetërsimi pronash në Shëngjin, ndërsa ish-deputeti dhe ish-drejtori i Burgjeve, Arben Çuko, si i përfshirë me bandën e Shijakut, për të cilën tashmë janë ende në burg 22 persona, 10 janë në arrest shtëpie dhe dy në detyrim paraqitjeje.