Eiichi Negishi, Kimisti japonez, fitues i çmimit Nobel në vitin 2010 vdiq në moshën 85-vjeçare, në shtetin amerikan të Indiana, ku ai kishte qëndruar për disa kohë. Kjo u komunikua nga Universiteti Purdue, por pa treguar shkaqet e vdekjes.
Lindur në vitin 1935 në Manchuria, provinca e atëhershme e Kinës e pushtuar nga japonezët, ai studioi në Universitetin prestigjioz të Tokios para se të specializohej në Universitetin e Pensilvanisë, më pas u transferua në Purdue në 1979.
Së bashku me studiuesin amerikan Richard Heck të Universitetit të Delaware dhe Japonezin Akira Suzuki të Universitetit Hokkaido, atij iu dha vlerësimi i lakmuar i Akademisë Suedeze për studimet e tij mbi palladiumin si katalizator në proceset kimike dhe zhvillimin e një metode të synuar për të krijuar kimikate komplekse.
Një teknikë që përdoret gjerësisht edhe sot për prodhimin e farmaceutikës, bujqësisë dhe elektronikës.
Gruaja e Negishi Sumire vdiq në një aksident në 2018 pas 50 vitesh martese. Sipas raporteve nga Universiteti Purdue, familja e Negishi nuk ka ndërmend të kryejë një ceremoni funerali në Shtetet e Bashkuara, por do ta kthejë trupin në Japoni në një datë ende të pacaktuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
