Policia e Dibrës ka arrestuar si autor të dyshuar për vrasje nga pakujdesia të 22-vjeçarit Elidon Basha, shokun e viktimës, Klodian Kola. Ky i fundit, gjatë marrjes në pyetje ka hadhur poshtë dyshimet e policisë, duke mos pranuar autorësinë e krimit që sipas policisë dyshohet të jetë kryer nga pakujdesia.
27-vjeçari Kola është shorehur para grupit hetimor se shoku i tij, Elidon Basha më të cilin kishin dalë për gjueti mbrëmjen e së enjtes, mund të jetë qëlluar nga një person i tretë. Ndërkohë, burimet thanë se i riu ka marrë një plagë në pjesën e krahut, ndërsa ka humbur jetën si pasojë e gjakderdhjes së shumtë.
Ai është dërguar në spital rreth orës 02:30 të mëngjesit të sotëm, ndërsa ngjarja dyshohet të ketë ndodhur rreth orës 23:00 të mbrëmjes së djeshme. Shkak për vonesën e transportimit të të riut në spital, dyshohet të ketë qenë vendi i largët ku të rinjtë gjendeshin dhe terreni mjaft i vështirë. Po ashtu, ata nuk kishin një makinë për ta transportuar më herët 22-vjeçarin në spital.
Sipas policisë ngjarja dyshohet se ka qenë aksidentale, pasi të dy të rinjtë kishin dalë për gjah, por tashmë po vijojnë hetimet për sqarimin e plotë të rrethanave të saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
