Kryeministri Rama ka komentuar nga “Facebook” deklaratat e kreut të PD-së nga çadra e protestës. Rama shprehet se Basha është kthyer në një zë të ngjirur që u tregon përralla shurdhëve që nuk duan të dëgjojnë.
“Një zë i ngjirur bërtet për t'u treguar përralla qorrave që s'duan të shohin, shurdhëve që s'duan të dëgjojnë #VajmedetPD vajmedet kuku për ty”, shkruan ai.
Një ditë pas dështimit të negociatave që pritej të gjenin një zgjidhje për krizën politike në vend, Basha tha në çadrën e protestës se opozita do ta përshkallëzojë protestën deri në plotësimin e kushtit të saj numër 1: krijimin e një qeverie teknike që do ta drejtojë vendin drejt zgjedhjeve parlamentare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
