Deputeti i parlamentit holandez dhe njëherësh reporter për Ballkanin Perëndimor, Jeffrey van Haaster, ndodhet për një vizitë pune në Tiranë. Ai u shpreh se pjesë e axhendës së diskutimeve në Tiranë është integrimi në Bashkimin Europian dhe përmbushja e reformave në Shqipëri.
Gjithashtu ai foli edhe për çështjen e rikthimit të vizave, ndërsa shtoi se kjo pjesë do të diskutohet në Holandë në kohën kur deputetët e Kuvendit të Shqipërisë do të jenë për vizitë atje.
“Jemi informuar për diskutimet mbi vendimin e parlamentit holandez mbi çështjen e liberalizimin e vizave ka pasur impakt, por kjo çështje nuk është diskutuar. Kjo çështje do diskutohet gjatë vizitës së deputetëve shqiptarë në parlamentin hollandez. Do presim vlerësimin e Komisionit Europian për Shqipërinë, që me pas të vendosim mbi çështjen e hapjes së negociatave për anëtarësim”-tha ai.
Meqë çështja e vizave pritej me një interesim të lartë, pikërisht për të shpjeguar dhe ndodhitë më të fundit në lidhje me verdiktin e marrë nga parlamenti i shtetit evropian, për rikthimin e regjimit të vizave për shqiptarët, duket se sipas përgjigjjes së delegacionit holandez, kjo çështje e nxehtë do të diskutohet gjatë vizitës së përfaqësuesve të parlamentit shqiptar në Holandë, në fund të muajit maj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
