Policia ka arrestuatr ish-kreun e Kadastrës së Gjirokastrës Florian Taçi.
Ka qenë një operacion i përbashkët mes Policisë së Tiranës, asaj të Gjirokastrës, Prokurorisë dhe Gjykatës së Gjirokastrës që kanë finalizuar aksionin për arrestimin e Taçit dhe ish-bashkëpunëtorit të tij në Kadastrën e Gjirokastrës Alban Memishaj.
Akuza që rëndon ndaj Taçit është mashtrim dhe falsifikim dokumentesh në bashkëpunim.
Dje në darkë policia ka ushtruar kontroll në zyrën e tij në Gjirokastër dhe ka sekuestruar dokumente të shumta qe i shfrytëzonte Taçi dhe që kishin të bënin me të gjithë databazën e Kadastrës së Gjirokastrës.
Njoftimi: Gjirokastër
Specialistët për Hetimin e Krimeve Ekonomiko-Financiare arrestuan në flagrancë shtetasit F. T., 45 vjeç dhe A. M., 37 vjeç, të dy banues në Gjirokastër, pasi dyshohet se në bashkëpunim me njëri-tjetrin, kanë falsifikuar dokumentet e disa pronave, duke përdorur vulën e një subjekti të palicencuar nga organet kompetente.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
