Dita e fundit ka regjistruar një shtim të rasteve të reja në Europë me koronavirus, me disa vende që kanë njohur shifra tepër të larta të regjistruara për her të fundit prej shokë kohësh.
Diçka të tillë e konfirmon rasti i Gjermanisë, që për herë të parë që nga fundi i prillit është rikthyer për të tejkaluar pragun e 2000 infeksioneve të reja në 24 orë. Sipas Institutit Robert Koch, qendra kombëtare epidemiologjike gjermane, rastet e fundit të identifikuara ishin 2055, duke tejkaluar kështu 2035 infeksionet e 25 prillit.
Ndërkohë në Itali pas shumë ditësh është kaluar pragu i njëmijë rasteve të reja. Autoritetet e shëndetësisë raportuan se sot u regjistruan edhe 1071 raste të reja pozitiv (dje ishin 947), për një total prej 258.136 të prekurish nga Covid. Për t’u evidentuar fakti që sot në Itali humbën jetën tre persona nga koronavirusi, ndërsa dje ishin nëntë.
Një numër tepër i lartë rastesh është rregjistruar edhe në Francë, që brenda 24 orëve ka numëruar mbi 4500 persona të prekur.
Ndërkohë si rrjedhojë e gjithë situatës OBSH ka ndryshuar rekomandimet për mbajtjen e maskës duke e këshilluar atë deri për fëmijët në moshën 12 vjeç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
