Trajneri Nevil Dede, në emisionin “Skaner” në MCN TV, analizoi barazimin në derbin mes Tiranës dhe Partizanit.
Dede deklaroi se zëvendësimet e Kolelës ishin të çuditshme, referuar këtu, largimit nga fusha të Mba dhe Da Silva, apo edhe të Rrapajt.
Bëhet fjalë për vitrinën e një sezoni që luhej sot. Bëhet fjalë për ndeshjen e sezonit. Në parapërgatitje, Tirana vinte në opinion me mungesa dhe avantazhi ishte te Partizani. Deri sa shënoi golin, Partizani ishte pak superior.
Nuk më pëlqeu mënyra si u menaxhua ndeshja. Derbi jep një bukuri të veçantë. Teknikisht dhe taktikisht la shumë për të dëshiruar si ndeshje. Mënyra si u menaxhua avantazhi i Partizanit, ka shumë pikëpyetje. Kolelës sot nuk i shkoi asgjë mbarë.
Mba dhe Da Silva po fitonin çdo duel në zonën kundërshtare. Rrapaj po rritej shumë. Nëse nuk zotërojnë topin, fajin nuk e ka as Da Silva dhe as Mba. Janë të çuditshme zëvendësimet e Kolelës, e kemi thënë edhe javët e tjera. Tirana po luante një kundër një në të gjithë fushën. Diferencën e bëri Mba dhe Da Silva. Këta dy sulmues, për mendimin tim duhet të qëndronin deri në fund.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
