Agjensia e Ushqimit e Kombeve të Bashkuara tha të mërkurën se duheshin 130 milionë dollarë për të financuar operacionet e urgjencës në Zimbabve deri në gusht dhe për të parandaluar një katastrofë në vendin e Afrikës së Jugut, pasi mungesa e ushqimit e shkaktuar nga klima dhe recesioni sa vjen e thellohet.
Programi Botëror i Ushqimit (WFP) tha se 7.7 milionë banorë të Zimbabves, rreth gjysma e popullsisë, kanë nevojë për ndihmë ushqimore pas thatësirës dhe ciklonit shkatërrues që ndodhën vitin e kaluar. Mungesa e shirave të sivjetshëm ka prekur të lashtat, duke e komplikuar situatën.
Pandemia e koronavirusit është gjithashtu një presion i shtuar. Zimbabve ka regjistruar vetëm tre vdekje dhe 11 raste, por ekonomistët parashikojnë gjendje të rënduar me atë që pritet të shkaktojë pandemia në ekonominë globale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
