Havier Bardem dhe Penelope Kruz ishin yjet e radhës që prezantuan me sukses filmin në Festivalin e Venezia-s. Aktori i njohur interpreton përkrah bashkëshortes së tij, Penelepe, në filmin ku ai është producent, “Loving Pablo”, kushtuar narkotrafikantit të njohur kolumbian Pablo Eskobar.
Bardem rrëfen se, si aktor, ka mbetur i magjepsur nga historia aq kontradiktore e trafikantit më të madh të kokainës, i cili nga njëra anë ishte një baba dhe bashkëshort i përkushtuar, e nga ana tjetër u kthye në njeriun që gjunjëzoi një vend të tërë.
Aktori i njohur pranon se për të hyrë në lëkurën e Eskobarit, i është dashur edhe të shtojë në peshë, për të jetuar bashkë me personazhin.
“Loving Pablo” është bazuar në librin biografik të gazetares Valeria Valeho, e cila ishte edhe dashnorja e bosit të drogës. Gazetarja kolumbiane në film interpretohet nga Penelope Cruz.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
