SPAK ka rithirrur sot kryebashkiakun në detyrë të bashkisë së Himarës Jorgo Goro.
Ky i fundit paraqitet në Prokurorinë e Posaçme pas kallëzimit të Fredi Belerit.
Në një raportim për MCN Live gazetari Arsen Rusta bën me dije:
Është e 11-ta herë që z.Goro paraqitet në Prokurorinë e Posaçme. Mcn Live ka mësuar që është në kuadër të një fletë-thirrje si një person në hetim dhe për të dhënë deklarime dhe ballafaqim në lidhje me provat që ka gjetur SPAK. Është kallëzimi i kryetarit të zgjedhur të bashkisë Fredi Belerit për shpërdorim detyre, falsifikim dokumentesh pronësie dhe korrupsion aktiv e pasiv të zyrtarëve të zgjedhur. Kallëzimi i Belerit ka sjellë sekuestrimin e 5050 metra tokë sipërfaqe ndërtimore, në një kontratë investitori strategjik që qeveria shqiptare i ka dhënë Artan Gaçit, bashkëshortit të Olta Xhaçka. Teksa Goro la ambientet e SPAK Mcn Live e pyeti përse ishe në SPAK, ‘do të vij sërish’ ishte përgjigjja e tij”.
Kujtojmë që Goro humbi zgjedhjet e 14 majit për bashkinë e Himarës, por ai vijon të jetë në detyrë për shkak se rivali i tij fitues, Fred Beleri, është arrestuar dhe po hetohet për korrupsion zgjedhor.
Jorgo Goro u zgjodh për herë të parë kryetar i Bashkisë së Himarës në zgjedhjet lokale të vitit 2011.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
