Shënohet viktima e parë në Irlandë, si pasojë e stuhisë Eunice e cila goditi në orët e fundit ishujt britanik, me shpejtësi ere 150-200 kilometër në orë, për të vijuar më tej në veri të Francës.
Një burrë humbi jetën në kontenë e Wexford, prej erës së furishme rreth 130 km/h, pasi i ra një pemë sipër, siç informoi policia lokale.
Në Britaninë e Madhe, momentalisht janë regjistruar disa të plagosur, të goditur nga sende të forta si dhe u shënuan dëme, në ndërtesa të ndryshme.
Ndërkohë transporti paraqitet në kaos, ku rreth 400 fluturime janë anuluar vetëm në aeroportet angleze, 20% prej tyre në aeroportin e Heathrow, ndërsa shumë të tjerë hasën në vonesa në ulje apo ngritje në fluturim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
