SHBA dhe Gjermania vendosën sanksione ndaj Dodikut për ta penguar ndarjen e Bosnjes.
Eskobar në deklaratën e tij të fundit ka thënë se politika identitare, sipas tij, po pengon progresin e vendeve të rajonit.
Lidhur me këtë, në një komunikim me skype për edicionin e lajmeve në MCN TV, analisti për çështjet e rajonit z. Mentor Tahiri, thotë se kjo deklaratë është ndër precizet nga të tjerat që janë lëshuar rëndom nga Uashingtoni zyrtar.
“Ka një kontinuitet gati 3 dekadash të njëjtë të qasjesh të Amerikës ndaj Ballkanit, deklaratat e Escobar, duken që janë shumë më precize, sesa deklaratat e mëparshme që rëndom janë lëshuar nga Uashingtoni zyrtar. Escobar targeton në esencë, tre lloj politikanësh, ata që mohojnë integrimin në BE, politikanët që janë kundër të anëtarësimit të vendeve të Ballkanit në NATO dhe pjesa tjetër më shumë rendësi e kategorisë së politikanëve, e quan manipuluesit me politikat identitare, që si duket në Ballkan, po vazhdojnë të ekzistojnë dhe të mbijetojnë në pozita shumë të qarta politike”.
Analisti Tahiri, e quan këtë deklaratë mjaft inkurajuese në drejtim të krijimit të aleancave më të gjëra politike.
“Në këtë drejtim deklarata e Escobar, është mjaft inkurajuese, edhe në kuptimin që shërben si preventivë, që këta politikanë të ndërtojnë aleanca të mëtutjeshme, më të gjëra, sesa që pamë ditët e kaluar të anëtarit serb të Presidencës së Bosnje Hercegovinës, Milorad Dodik, me kryeministrin hungarez Vitor Orban.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
