Gazetari Xhevair Zhabina tha në studion e MCN Live se konflikti për pronat në Kepin e Rodonit vijon prej vitesh dhe është e çuditshme që shteti nuk ndërhyn për t’i dhënë zgjidhje këtij problemi.
Duke bërë një përmbledhje të ngjarjes, Zhabina tha se konflikti ka nisur për një sipërfaqe toke prej 6 mijë metra katrorësh dhe përball dy palë, banorët e zonës dhe Kishën katolike, ku secila pretendon se ka certifikatë pronësie.
Më tej, Zhabina tha se Frroku ka qenë në mbështetje të të kishës katolike.
Është një ndër konfliktet e vazhdueshme në Kepin e Rodonit. Konflikti vazhdon prej disa kohësh, është e paimagjinueshme si institucionet nuk kanë ndërhyrë. Është konflikt mes disa banorësh dhe kishës katolike, të dyja palët pretendojnë se kanë një certifikatë pronësie për 6 mijë metra katrorë. Afër kësaj prone ka rezorte. Konfliktet vazhdojnë prej disa kohësh. Përfaqësues të Kishës kanë shkuar ta rrethojnë këtë hapësirë dhe kanë hasur me rezistencën e banorëve. Është qëlluar me armë zjarri, nuk është përcaktuar se kush ka qëlluar. Prezent ka qenë dhe ish-deputeti Mark Frroku.
Frroku është katolik dhe sipas atij njoftimi të policisë ka qenë në krahun e kishës katolike, jemi në fillim të hetimeve. Janë 8 të arrestuar.
Kjo është ajo që ndodh kur shteti nuk ndërhyn. E çuditshme që institucionet si policia, prokuroria nuk i kanë dhënë zgjidhje këtij problemi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
