Një 27-vjerçar nga Dibra ka humbur jetën pasi është qëlluar aksidentalisht me armë gjahu nga miku i tij.
Burime nga policia bëjnë me dije se 27-vjeçari me iniciale G.K., kishte dalë për gjueti në zonën e quajtur “Malet e Obokut”, në Maqellarë të Dibrës, por është qëlluar nga pakujdesia nga shoku i tij R.XH. 18 vjeç.
27-vjeçari është transportuar menjëhërë në spital por nuk ka mundur ti rezistojë plagës së marrë,
Policia dhe grupi hetimor kanë shkuar në vendngjarje dhe kanë bërë shoqërimin e autorit të dyshuar në Komisariat, për veprime të mëtejshme hetimore, si dhe kanë sekuestruar në cilësinë e provës materiale armën e gjahut çifte.
Grupi hetimor, nën drejtimin e Prokurorisë, po vijon punën për zbardhjen e plotë të rrethanave të ngjarjes.
Njoftimi i policisë
Dibër
Dyshohet se nga pakujdesia plagosi me pasojë vdekjen shokun e tij, Policia shoqëron në Komisariat autorin e dyshuar.
Sekuestrohet arma e gjahut çifte.
Rreth orës 14:45, në vendin e quajtur “Malet e Obokut”, Maqellarë, shtetasit R. XH. dhe G. K. kanë qenë për gjueti. Shtetasi R. XH., 18 vjeç, dyshohet se nga pakujdesia ka plagosur me armë gjahu çifte shtetasin G. K., rreth 27 vjeç, banues në Maqellarë, i cili ka humbur jetën në spital.
Menjëherë shërbimet e Policisë dhe grupi hetimor kanë shkuar në vendngjarje dhe kanë bërë shoqërimin e autorit të dyshuar në Komisariat, për veprime të mëtejshme hetimore, si dhe kanë sekuestruar në cilësinë e provës materiale armën e gjahut çifte.
Grupi hetimor, nën drejtimin e Prokurorisë, po vijon punën për zbardhjen e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
