Franca regjistroi në 24 orët e kaluara 5413 raste të reja infeksioni dhe 4 viktima. Sipas të dhënave të Universitetit Johns Hopikns, numri i përgjithshëm i të identifikuarve pozitiv që prej fillimit të pandemisë është rritur në 277 943 kurse totali i vdekjeve është rritur në 30 606.
Francë sheh përpara rrezikun e një izolimi të ri prej rasteve me koronavirus në rritje dhe si shumica e vendeve të Unionit Europian, Parisi i është rikthyer detyrimit për mbajtjen e maskës kurse në Marsejë, baret dhe restorantet mbyllen nga ora 23 e mbrëmjes deri në orën 6 të mëngjesit.
Sipas ‘Reuters’, Komuna lokale e Parisit tha të hënën se do të kërkonte të vinte në dispozicion testimin falas për COVID-19 në të 20 rrethet e kryeqytetit.
Kryetari i bashkisë së Parisit ka njoftuar se do të ngrihen tre laboratorë të përhershëm për të kryer testet falas të COVID-19, si dhe dy laboratorë të tjerë të lëvizshëm që do lëvizin rreth kryeqytetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
