Nisja e raketës SpaceX, në bordin e së cilës do të ishin pjesë një miliarder, një pilot dhe dy punonjës për një mision unik hapësinor, duke përfshirë daljen e parë private jashtë mjeteve, Polaris Dawn, është shtyrë për një kohë të pacaktuar.
“Për shkak të parashikimeve të pafavorshme të motit në zonën e uljes së Dragoit në brigjet e Floridës, ne po heqim dorë nga nisja e sotme dhe e nesërme e Falcon 9 për Polaris Dawn ”, shkroi SpaceX në rrjetin X.
Nisja e misionit Polaris Dawn ishte shtyrë tashmë për 24 orë pas zbulimit të hënën të një rrjedhjeje heliumi në një lidhje që furnizonte raketën. Heliumi, i cili nuk është një gaz i ndezshëm, përdoret shpesh në sistemet shtytëse.
Komandanti i këtij misioni pesëditor është miliarderi amerikan Jared Isaacman, i cili prej disa vitesh ka punuar me kompaninë e Elon Musk. Udhëtimi duhet të përdoret veçanërisht për të testuar kostumet e para të SpaceX të destinuara për vakumin e hapësirës, të bardha dhe me një pamje futuriste.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
