SPAK vend vakant në Drejtorinë e Buxhetit dhe Financave, askush nuk shfaq interes

Mungon interesi për të punuar në SPKA. Kjo pasi pozicioni i punës së Përgjegjësit të Sektorit të Buxhetit dhe Prokurimeve, në Drejtorinë e Buxhetit dhe Menaxhimit Financiar në SPAK, vijon të mbetet bosh.

Prokuroria e Posaçme njofton se për këtë pozicion vakant nuk është paraqitur asnjë kandidaturë, pavarësisht shpalljes së vendit të lirë.

Njoftim përfundimtar

“Përgjegjës i Sektorit të Buxhetit dhe Prokurimeve, në Drejtorinë e Buxhetit dhe Menaxhimit Financiar, Kategoria e ulët drejtuese, klasa III-1, pranë Prokurorisë së Posaçme kundër Korrupsionit dhe Krimit të Organizuar

Në mbështetje të nenit 26, të ligjit nr. 152/2013 “Për nëpunësin civil”, të ndryshuar, të Kreut II, të Vendimit nr. 242, datë 18.03.2015 të Këshillit të Ministrave “Për plotësimin e vendeve të lira në kategorinë e ulët dhe të mesme drejtuese”, të ndryshuar, njësia përgjegjëse e burimeve njerëzore, e Prokurorisë së Posaçme kundër Korrupsionit dhe Krimit të Organizuar, në përfundim të afatit të ankimit, për përmbushjen e kushteve të lëvizjes paralele dhe kërkesave të veçanta të përcaktuara në shpalljen për konkurrim, njofton se, për pozicionin;

Një Përgjegjës i Sektorit të Buxhetit dhe Prokurimeve, në Drejtorinë e Buxhetit dhe Menaxhimit Financiar, Kategoria e ulët drejtuese, klasa III-1

Nuk është paraqitur asnjë kandidaturë për konkurrim.