Eurodeputeti Eduard Kukan, i cili e njeh mirë realitetin politik në Shqipëri, është shprehur kundër bojkotit që është duke zhvilluar opozita.
Eurodeputeti sllovak, i cili foli gjatë një tryeze diskutimi në Parlamentin Evropian me titull “Kriza e demokracisë në Ballkanin Perëndimor”.
Kukan mori shembull disa nga vendet e Ballkanit Perëndimor, që sipas tij, për shkak edhe të zhvillimeve të fundit, ka marrë vëmendje nga Bashkimi Europian.
“Askush në Bashkimin Evropian nuk e pëlqen bojkotin. Sjellja e hijes së të kaluarës nuk është e dobishme apo procesi i zgjerimit do të bëhet edhe më i vështirë me kalimin e viteve” theksoi eurodeputeti sllovak, Eduard Kukan
Ai nënvizoi se nacionalizmi është në rritje në vendet e rajonit dhe politikanët po e përdorin për të tërhequr votuesit e tyre.
"Nacionalizmi po rritet, më vjen keq që e them këtë dhe po keqpërdoret sidomos nga elita politike për t’i tërhequr votuesve të tyre. Bojkoti i Parlamentit po bëhet një lloj sporti në rajonin e Ballkanit. Shikoni përreth Maqedoninë, Shqipërinë, Malin e Zi, Kosovën! Kur ne diskutojmë për situatën e bojkotit të parlamentit, anëtarët e BE-së nga të gjitha grupet politike do të thonin se vendi për debat politik është Parlamenti." u shpreh eurodeputeti Kukan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
