Kryeministri Edi Rama ka njoftuar sot përmes një postimi në rrjete sociale një lajm për gjithë qytetarët dhe subjektet që regjistrojnë mjetet rrugore për herë të parë.
Kreu i qeverisë thotë se duke nisur nga sot eliminohen të tjera angari, kohë pritjeje e kosto të tepërta për qytetarët e subjektet që regjistrojnë mjete rrugore për herë të parë.
Do të hiqen mbi 60 mijë praktika në vit që kërkonin përkthime e noterizime njehsime me origjinalin nga dokumentet me gjuhë të huaja.
Kjo sipas kryeministrit i kursen qytetarëve shqiptarë 300 mln lekë në vit.
“Mirëmëngjes dhe me lajmin e mirë se duke nisur nga sot eliminojmë të tjera angari, kohë pritjeje e kosto të tepërta për qytetarët e subjektet që regjistrojnë mjete rrugore për herë të parë, ju uroj një javë të mbarë”, shkruan Rama.
Nga data 24 janar DPSHTRR njeh: Dokumentet e origjinës dhe dokumentet teknike në gjuhën angleze,
Dokumentet teknike nga prodhuesi nga vendet e BE ose sipas formatit të kodeve të Direktivave të KE,
Të dhënat e fitimit të pronësisë sipas deklaratës doganore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
