Policia italiane ka arrestuar një shtetas shqiptar në Savona për posedim droge.
Erjon Stafa ra në sy të policisë për jetën e shthurur që bënte, pasi 28-vjeçari kishte lidhje të ngushta me VIP-a, të të gjitha fushave kryesisht me doktorë e dentistë të moshës 40-vjeçare.
Pjesë e klanit të tij ishte edhe një ish-miss Savona, një bukuroshe 30-vjeçare që kishte në pronësi një sallon bukurie në qytet ku adresonte klientët e saj për blerjen e kokainës.
Duke pasur një rrjet të gjerë njerëzish të njohur, si yje të muzikës dhe televizionit, të cilëve u shpërndante kokainën.
Stafa pak para arrestimit të tij i kishte dërguar një mesazh bashkëpunëtorëve të tij ku shkruhej “Jemi të gjithë në të njëjtën varkë”. Në shtëpinë e tij në Celle u sekuestrua kokainë dhe disa telefona celularë. Policia po punon për kapjen e personave të tjerë të përfshirë në ngjarje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
