Nëse keni një Android, mund ta humbisni këtë shërbim nga 1 nëntori

Tani që i jemi rikthyer të qenit jashtë e rrotull, telefonat tanë janë një burim jetik, që na lidh me një mori shërbimesh ndërsa jemi në lëvizje.

Fatkeqësisht, më shumë se 2.5 miliardë njerëz që përdorin një sistem operativ Android në mbarë botën mund të rrezikojnë të humbasin së shpejti një nga këto shërbime të rëndësishme.

Kompania që qëndron pas një aplikacioni shumë të njohur kohët e fundit njoftoi se nuk do të mbështesë më pajisje të caktuara Android, që nga 1 nëntori.

WhatsApp përditësoi së fundmi faqen e tij, duke njoftuar përdoruesit se së shpejti nuk do të mbështesë më pajisjet Android që përdorin një sistem operativ 4.0.4 ose më të vjetër. Ndryshimi do të hyjë në fuqi më 1 nëntor.

Ky lajm vjen pasi WhatsApp bëri të njëjtën zgjedhje për iPhone-ët e vjetër. Që aplikacioni të funksionojë në një iPhone, ai telefon duhet të ketë iOS 10 ose më të ri.

Sipas Business Insider India, disa telefona inteligjentë nuk do të mbështesin një sistem operativ më të ri Android, që nga ana tjetër do të thotë se ata nuk do të mbështesin më WhatsApp. Kjo përfshin disa telefona Samsung, LG, Huawei dhe Sony.

Pajisjet Samsung të prekura përfshijnë Samsung Galaxy Trend Lite, Galaxy Trend II, Galaxy Core dhe Galaxy Ace 2, ndërsa pajisjet e prekura LG përfshijnë LG Lucid 2, Optimus F7 dhe Optimus L7.

Ka shumë telefona të tjerë që do të preken nga ky ndryshim. Mënyra më e mirë për të ditur nëse do të humbisni aksesin në WhatsApp është të kontrolloni se çfarë sistemi operativ po përdorni.