Qeveria e Kosovës duket se ka gjetur një zgjidhje të ndërmjetme lidhur me çështjen e targave. Personave që kanë automjete me targa serbe u është lën afat deri në 21 prill të vitit të ardhshëm të bëjnë të gjitha veprimet, të shoqëruara këto me disa nënfaza.
Por për Ramadan Avdiun, ish-konsull i Kosovës në Zvicër, ky vendim do ta vërë sërish në vështirësi qeverinë e Albin Kurtit, pasi serbët e veriut do ta kundërshtojnë zbatimin e këtij vendimi, duke respektuar strategjinë e Beogradit për të ruajtur status-quonë. Në një intervistë për MCN TV, Avdiu tha se vendimi duhej marrë në koordinim me ndërkombëtarët.
Është çështje teknike e mediatizuar tej mase. Qeveria e Kosovës duhet të ketë parasysh mënyrën si do të zbatohet. Serbët sidomos ata të veriut vështirë se do të pranojnë, do të insistojnë që të mos zbatohet. Qeveria e Kosovës është futur pa nevojë në një mosmarrëveshje.
Vendimi duhej të merrej me koordinim me SHBA dhe vendet e Quint-it. Mosmarrja në konsideratë e qëndrimit të tyre do ta vërë në vështirësi qeverinë e Kurtit.
Qëllimi i Serbisë është të ruhet status-quoja. Po përpiqet që me çdo formë ta vendosë Kosovën në pozitë të vështirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
