Opozita do të protestojë sot në prej orës 20. Kjo është protesta e 10 e radhës kombëtare, e para pas zgjedhjeve vendore të 30 qershorit.
Ndërkohë, prej ditës së djeshme, policia ka marrë masat për mbarëvajtjen e tubimit. Në protestën e sotme policia pritet të angazhojë 1300-1500 punonjës policie, nga forcat e rendit, FNSH, repartit Shqiponja dhe punonjës të gardës.
Masat e sigurisë kanë shtuar pranë institucioneve ku vazhdimisht ka protestuar opozita si: Kryeministria, Parlamenti, ministria e Brendshme. Ndërsa pranë Kryeministrisë janë vendosur prozhektorë të rinj, të cilët do të bëjnë të mundur ndriçimin e vendqëndrimit të efektivëve të policisë.
Po ashtu masa tjera pritet të merren nga policia dhe Garda e Republikës në orët në vijim, ku si gjithmonë do vendoset gardhi metalik, para Kryeministrisë, ministrisë së Brendshme si dhe Parlamentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
