Efektiviteti i vaksinës kundër Covid të zhvilluar nga Pfizer dhe BioNTech bie nën 50% gjashtë muaj pas administrimit të dozës së dytë.
Kjo tregohet nga rezultatet e studimit të publikuar në The Lancet, të cilat konfirmojnë raportet paraprake të Izraelit dhe Qendrave për Kontrollin dhe Parandalimin e Sëmundjeve (CDC) të Shteteve të Bashkuara, duke raportuar një ulje të efikasitetit kundër infeksioneve 5 ose më shumë muaj pas vaksinimit.
Studimi, i financuar nga vetë Pfizer, tregon se vaksina ka një efikasitet kundër infeksionit prej 88% në muajin e parë pas dozës së dytë dhe se mbrojtja bie në 47% pas 5 muajsh nga doza e dytë. Mbrojtje më e lartë u gjet kundër variantit Delta.
"Ndër infeksionet e radhitura, efikasiteti i vaksinës kundër infeksioneve të variantit Delta ishte i lartë gjatë muajit të parë (93%) por ra në 53%" pas 4 muajsh. Efikasiteti kundër varianteve të tjera (jo Delta) ishte gjithashtu i lartë (97%) në muajin e parë pas vaksinimit, por ra në 67% në 4-5 muaj”, shprehen ekspertët.
Nga ana tjetër, efektiviteti i vaksinës kundër shtrimeve në spital ruhet, me një total prej 93% deri në 6 muaj, duke konfirmuar mbrojtjen nga sëmundja edhe përballë përhapjes së variantit Delta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
