<p>Videoja e një personi që pretendon se është zhigolo ushqeu për ditë të tëra disa prej mediave rozë në shumë vende, mes të cilave edhe Gjermania. I prezantuar si Kingsley, burri në fjalë shprehet se ka pasur marrëdhënie seksuale me pagesë me disa gra të fuqishme evropiane, përfshirë ministren e Jashtme Annalena Baerbock.</p> <p>Daily Post e <a href="https://www.n-tv.de/politik/Fake-News-Video-ueber-Annalena-Baerbock-Vermeintlicher-Gigolo-in-Nigeria-packt-aus-article25134880.html">publikoi </a>intervistën me njeriun që e quan veten “Gigolo” në fund të korrikut. Ai pretendonte se klientela e tij përfshin kryesisht femra evropiane që pëlqejnë meshkujt afrikanë.</p> <p>Në bisedë, Kingsley flet hapur për një politikane evropiane me shumë ndikim, me të cilën u takua në Nigeri në fund të vitit 2022 dhe kaluan një natë së bashku.</p> <p>“<em>Ajo është një ministre gjermane, nëse nuk gabohem. U takuam në Abuja. Ne u takuam për herë të parë në dhjetor 2022. Nëse më kujtohet mirë, ajo mori pjesë në një takim të rëndësishëm atje. Ajo kishte një veshje të bukur vjollcë".</em></p> <p>Kingsley përmend "sytë e bukur gri" dhe shton se gjashtë muaj pasi u panë për herë të parë në Abuja, Annalena e ka thirrur atë për ta shoqëruar në Pretoria, Afrika e Jugut. Sipas Kingsley, ata u takuan sërish më pak se një javë më parë në Abidjan, ku ajo i tregoi treguar për udhëtimin e saj në Senegal.</p> <p>“Zakonisht kërkoj nga 1000 deri në 1500 euro në natë për një takim. Por nëse është një person i rëndësishëm, është 2500 deri në 3500 euro e më shumë. Ata mbulojnë koston e të gjithë udhëtimit tim.”</p> <p>Lajmi më pas u analizua nga faqja gjermane e lajmeve Zeitgeschenen, e cila gjeti në raportimet mediatike detaje që përkonin me atë që rrëfen zhigoloja, si itinerari i vizitave apo detajet e veshjes.</p> <p>Por ministria e Jashtme gjermane e hodhi poshtë versionin e tij si krejtësisht “i rremë, fiktiv dhe tërësisht absurd”.</p> <p>“Procedura sugjeron që aktorët rusë janë autorët ose klientët e kësaj përpjekjeje për shpifje”,<a href="https://www.lastampa.it/?refresh_ce"> sqaron</a> ministria e Baerbock.</p>
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
