Një kamera ka filmuar momentet e fundit të super jahtit “The Bayesian”, i cili u mbyt mes kushteve të vështira të motit në rajon.
Një video mbresëlënëse, e publikuar nga gazeta italiane “Corriere della Sera”, hedh dritë mbi momentet e fundit të superjahtit “Bayesian”, i cili u mbyt në brigjet e Siçilisë , pranë Palermos, me 22 persona në bord, natën e së hënës.
Të martën, 6 persona mbetën të zhdukur ndërsa trupi i parë u gjet tashmë të hënën dhe 15 persona i mbijetuan tragjedisë.
Pamjet video, të xhiruara nga një vilë e vendosur 200 metra në det, zbulojnë shpejtësinë me të cilën kjo anije luksoze u përfshi nga dallgët, duke lënë pasagjerët dhe ekuipazhin e saj të pafuqishëm përballë fatkeqësisë.
“Në vetëm 60 sekonda mund të shihni se varka zhduket. Ju mund të shihni qartë se çfarë po ndodh. Nuk kishte asgjë që mund të bëhej. Ajo u zhduk në një kohë shumë të shkurtër”, tha pronari i vilës nga ku u kapën pamjet, nëpërmjet një kamere video survejimi?
La tragedia di Porticello, il video che cattura il momento del naufragio del veliero Bayesian. Le immagini di una videocamera di sorveglianza di un club velico #ANSA https://t.co/j9XrMFB9E9 pic.twitter.com/GWNl3J6aXg
— Agenzia ANSA (@Agenzia_Ansa) August 20, 2024
Dymbëdhjetë pasagjerë dhe dhjetë anëtarë të ekuipazhit ishin në bordin e jahtit 56 metra të gjatë me flamur britanik "Bayesian" kur u mbyt të hënën herët në Siçili në një stuhi të papritur.
Të martën, kërkimi vazhdoi në përpjekje për të gjetur trupat e gjashtë personave ende të zhdukur, duke përfshirë manjatin e teknologjisë britanike Mike Lynch dhe vajzën e tij Hannah, një drejtues i lartë në bankën Morgan Stanley dhe gruan e tij, si dhe avokatin që e mbrojti atë në Shtetet e Bashkuara me gruan e tij.
Zhytësit u përballën me kushte të vështira pasi superjahti u mbyt në një thellësi prej 50 metrash, 700 metra nga bregu dhe objektet dhe kabllot e shumta i bënë të paarritshme kabinat ku viktimat mund të ishin bllokuar.
"Bayesian", një jaht 56 metra i gjatë që mbante flamurin britanik, u mbyt në brigjet e Porticello, një qytet bregdetar rreth 15 kilometra në lindje të Palermos, gjiri i të cilit strehon, në këtë kohë të vitit, një tufë të anijeve luksoze.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
