Presidenti i Federatës Shqiptare të Regbisë, Xhino Drangu, duke folur në “Mcn Informacion” tha që qëllimi i tij është hapja e këtij sporti në shkolla. Ai theksoi se ka interes për regbinë sidomos nga të rinjtë dhe për vitin e ardhshëm ka plane për hapjen e ekipeve në Shkodër, Durrës dhe Vlorë.
“Ndeshja kundër Greqisë 57-0 në favorin tonë e ka rritur goxha shikueshmërinë, nëpër rrjete sociale, lajme. Regbia ka që nga viti 2012 edhe pse s’ka qenë popullore në Shqipëri. Ka djem shqiptarë që kanë lindur jashtë që e ushtrojnë këtë sport në nivelin më të lartë. Në 2026 kemi plane për të hapur ekipe në Shkodër, Durrës dhe Vlorë. Ekipi i U18 i Tiranës dhe kombëtares ka më shumë vajza se sa djem. Moshat 11-12 vjeçare kanë dëshirë për t’u aktivizuar në këtë sport. Shumë e ngatërrojnë me futbollin amerikan. Në internet të rinjtë shohin informacione. Qëllimi ynë është që sporti i regbisë të hapet në shkolla, institucione të ndryshme”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
