Hong Kongu anuloi pasaportat e gjashtë aktivistëve pro-demokracisë të cilët ikën në Mbretërinë e Bashkuar, duke i quajtur “kriminelë të kërkuar të paligjshëm”, një hap më tej ndaj atij të vitit 2023, ku autoritetet lëshuan shpërblime prej afro 128 mijë dollarësh për secilin nga 13 aktivistët që u larguan jashtë vendit dhe u mbajtën përgjegjës për cenimin e sigurisë kombëtare.
Gjashtë personat e vendosur në shënjestër janë ish-deputeti Nathan Law, sindikalisti Mung Siu-tat dhe aktivistët Simon Cheng, Finn Lau, Fok Ka-chi dhe Choi Ming-da.
Ata akuzohen se vazhdojnë të angazhohen në aktivitete duke vendosur sigurinë kombëtare në rrezik.
Të dyshuarit akuzohen për krime të sigurisë kombëtare, përmbysjen e regjimit dhe bashkëpunimin e huaj, të gjitha krime të dënueshme me burgim të përjetshëm.
Zyrtarët e Hong Kongut cituan ligjin e sigurisë kombëtare, të miratuar në mars nga legjislatura lokale (LegCo), si bazë ligjore për anulimin e pasaportave të aktivistëve.
Policia shtoi gjithashtu se kushdo që ofron fonde, merr prona me qira ose drejton një biznes me individët e përmendur, përballet me një dënim deri në shtatë vjet burg.
Masa vjen në përvjetorin e pestë të një përleshjeje të dhunshme midis protestuesve dhe policisë që shënoi një përshkallëzim serioz në protestat masive pro-demokracisë në Hong Kong të vitit 2019.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
