Gazetari Mentor Kikia thotë se largimi i Gledis Nanos nga kreu i Policisë së Shtetit mund të ketë lidhje me të dhënat e marra nga hakerat iranianë nga sistemi i AKSHI-t. Në studion e lajmeve të MCN TV, Kikia tha se dokumente të tjera që godasin interesin e shtetit mund të publikohen.
Tashmë ata dinë gjithçka. Ndoshta ikja e Gledis Nanos lidhet me këtë. Gjasat janë që ai të jetë larguar nga policia dhe Shqipëria dhe shkaku mund të jetë hakerimi. Hakerat mund të publikojnë dokumente që godasin interesin e shtetit. Ka rënie totale të besimit të qytetarëve të shteti i tyre. Mund të ketë informacione që nxjerrin bashkëpunimin e strukturave shtetërore me botën e krimit. Por nëse kjo çon ujë në mullirin e transparencës, le të dalin. Nëse aty ka fakte që dëshmojnë lidhje të tilla, le të dalin. Përpjekjet e prokurorisë nuk i ndalojnë dot.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
