Hoxha: Ahmetaj s’do të kthehet që të përballet në drejtësinë në Shqipëri

Gazetari investigativ Artan Hoxha, në emisionin “Të Paekspozuarit” u shpreh se Ahmetaj nuk do të kthehet që të përballet në drejtësinë në Shqipëri. Ai tha se kush dorëzohet në burg që të luftojë pushtetin e ka të humbur davanë. “Në momentin kur vihesh nën masë sigurie nuk ke shans të negociosh gjë përveç pjatës së supës atje brenda. Kushdo që ka qenë edhe një ditë të vetme në burg e di se ça është atje brenda. Se është diçka tjetër nga kjo bota reale që kemi ne këtu. Kush vendos që të dorëzohet në burg dhe nga burgu dhe nga burgu të luftojë me pushtetin e ka të humbur davanë. Jo vetëm politikanë, por edhe në nivele të tjera. Ahmetaj i intereson që të çojë mesazhe që ai edhe mund të flasë nëse kalohet masa. Je në një lojë shahu. Ti lëviz ushtarin, ai lëviz oficerin. Ti lëviz kalin, ai do të lëvizë torren. Të jesh i bindur që situata do të jetë kështu”.