Raketa balistike ndërkontinentale Bulava ka hyrë në shërbim në forcat e armatosura ruse.
Lajmi u raportua nga agjencia ruse Tass, duke cituar projektuesin kryesor të Institutit të Teknologjisë Termike në Moskë, Yuri Solomonov.
Raketa balistike me lëndë djegëse të ngurtë ka një rreze fluturimi mbi 9 mijë kilometra dhe mund të mbajë 6 deri në 10 koka luftarake me një kapacitet prej 100-150 kiloton secila.
Transportuesi i ngarkuar me kapacitet të plotë, peshon afërsisht 37 tonë.
Bulava u testua me sukses nëntorin e kaluar, njoftoi Ministria ruse e Mbrojtjes.
Më pas ajo u nis nga nëndetësja me energji bërthamore “Perandori Alexander III” në Detin e Bardhë, në brigjet veriperëndimore, drejt gadishullit rus të Kamçatkës.
Një video e publikuar në faqen e internetit të Ministrisë së Mbrojtjes Ruse tregoi testin e kryer nga nëndetësja e re e Moskës me energji bërthamore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
