Një nga trafikantët më të mëdhenj të armëve në botë është kapur në Brazil. Sipas policisë ai është arrestuar pesë muaj pas arratisjes nga burgu, duke përdorur një dokument të rremë për lirim të parakohshëm
João Filipe Barbieri ishte i dënuar si pjesë e një bande që kontrabandonte qindar armë nga Amerika të fshehura në pajisjet e pishinave. Barbieri u gjet në shtëpinë e nënës së tij në një lagje të varfër afër Rio de Janeiro.
Ai është njerku i udhëheqësit të bandës së shkatërruar, i cili njihet si ‘Zoti i Armëve’.
Banda u shkatërrua në 2017, pasi një kontejner me 60 pushkë të stilit ushtarak, që ishin nisur nga Miami, u përgjuan në aeroportin ndërkombëtar të Rios.
Autoritetet thonë se armët iu shitën trafikantëve të drogës që veprojnë në shumë lagje të varfëra të Rios, të njohur si favelas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
