Një robot i krijuar në Universitetin Stanford në Kaliforni është duke u zhytur deri në mbytjet e anijeve dhe avionëve të fundosur në fund të oqeanit. Dicka që njerëzit nuk mund ta bëjnë. I njohur si OceanOneK, roboti i ngjan një zhytësi njerëzor nga përpara, me krahë, duar dhe sy që kanë vizion 3D, duke kapur botën nënujore me ngjyra të plota.
Kur një operator në sipërfaqen e oqeanit përdor komandat për të drejtuar OceanOneK, sistemi i reagimit haptik i robotit bën që personi të ndiejë rezistencën e ujit si dhe konturet e objekteve.
Aftësitë reale të shikimit dhe prekjes së OceanOneK janë të mjaftueshme për t'i bërë njerëzit të ndihen sikur po zhyten deri në thellësi -- pa rreziqet ose presionin e jashtëzakonshëm nënujor që do të përjetonte një zhytës njerëzor.
Roboticisti i Universitetit të Stanfordit, Oussama Khatib dhe studentët e tij u bashkuan me arkeologët dhe filluan ta dërgonin robotin në zhytje në shtator.
Deri më tani, OceanOneK ka zbuluar një aeroplan të fundosur Beechcraft Baron F-GDPV, anijen italiane me avull Le Francesco Crispi, një anije romake të shekullit të dytë në Korsikë, një avion P-38 Lightning të Luftës së Dytë Botërore dhe një nëndetëse të quajtur Le Protée.
OceanOneK mund të jetë vetëm fillimi i një të ardhmeje ku robotët marrin përsipër eksplorimin nënujor shumë të rrezikshëm për njerëzit dhe na ndihmojnë të shohim oqeanet në një mënyrë krejtësisht të re.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
